Եղանակն՝ այսօր
Հովհաննես Թումանյանի թբիլիսյան տանը բացվել է բանաստեղծի արձանը
Հովհաննես Թումանյանի թբիլիսյան տանը բացվել է բանաստեղծի արձանը։
Այս մասին տեղեկանում ենք Վրաստանում Հայաստանի Հանրապետության դեսպանության ֆեյսբուքյան էջից:
«Հովհաննես Թումանյանի թբիլիսյան տանը բացվեց մեծ հայորդու արձանը»,- նշված է գրառման մեջ:
Հիշեցնենք, որ այսօր լրանում է «Ամենայն հայոց բանաստեղծի» ծննդյան 150-ամյակը:
Բանաստեղծի հոբելյանին նվիրված երևանյան միջոցառումների մեկնարկը տրվել է փետրվարի 19-ի վաղ առավոտյան, գրողի թանգարանի մատույցներում, որտեղ թանգարան մտնել ցանկացող տարբեր տարիքային խմբի աշակերտների հերթեր էին գոյացել:
Թանգարանի մատույցներում ֆլեշմոբ էին իրականացնում «Մխիթար Սեբաստացի» կրթահամալիրի սաները` ընթերցելով Թումանյանի գործերը և կատարելով Կոմիտասի երգերը:
Ողջ օրվա ընթացքում հանրապետության տարբեր կետերում Հովհաննես Թումանյանին նվիրված միջոցառումներ են տեղի ունենում:
Studio One