Եղանակն՝ այսօր
Պրիմորյեի իշխանություններն ուսումնասիրում են քանդակագործ Ծերեթելիի՝ Հիսուս Քրիստոսի 68 մետրանոց արձանը կանգնեցնելու առաջարկը
10:57 • 02.03.19
ՌԴ Պրիմորյեի երկրամասի իշխանություններն ուսումնասիրում են քանդակագործ Զուրաբ Ծերեթելիի՝ Վլադիվոստոկի բլրի վրա Հիսուս Քրիստոսի 68 մետրանոց արձանը կանգնեցնելու առաջարկը: Այդ մասին «ՌԻԱ Նովոստի»-ին ասել է փոխնահանգապետ Կոնստանտին Մեժոնովը:
Սպասվում է, որ արձանի համար միջոցներ կնվիրաբերեն մասնավոր ներդրողները, և այն նման չի լինի Ռիո դե Ժանեյրոյի հայտնի արձանին:
«Առաջարկը ստացվել է քանդակագործ Ծերեթելիից: Այժմ հարցն ուսումնասիրվում է: Ծերեթելիի առաջարկով՝ դա կլինի մեծ բարձրությամբ արձան»,- ասել է Մեժոնովը:
Ինչպես հայտնել է «Վյատսկիյ Պոսադ հոգևոր-ուղղափառ կենտրոն» կազմակերպության հիմնադիր Գենադի Ցուրկովը, սա մասնավոր նախաձեռնություն է և դեռ համաձայնեցված չէ Ռուս ուղղափառ եկեղեցու հետ:
Placeholder
Studio One