Հրապարակվել է «Վերադարձ Պրոստոկվաշինո» մուլտֆիլմի նոր սերիան (տեսանյութ)

Համացանցում հրապարակվել է «Վերադարձ Պրոստոկվաշինո» սիրված մուլտֆիլմի նոր՝ 12-րդ, սերիան: Այն հրապարակվել է կիրակի «Սոյուզմուլտֆիլմ»-ի պաշտոնական յութուբյան ալիքում:

Ինչպես հայտնում է mir24 հեռուստաալիքի կայքը, սերիան ստացել է «Անհարմար հարևանները» անվանումը: Մուլտֆիլմի ռեժիսորն է դարձել Վլադիմիր Տորոպչինը:

Կինոընկերության մամուլի ծառայությունից հայտնել են, որ նոր սերիայում հերոսները տարածք են փնտրում նոր տան շինարարության համար, որտեղ հնարավոր կլինի լողավազան կառուցել, ինչպես նաև գոմ Մատրոսկին կատվի համար: Գտնելով համապատասխան վայր՝ նրանք պարզում են, որ տարածքն արդեն զբաղված է, և իրենք ստիպված են պայմանավորել տերերի հետ:

Ընկերությունից հայտնել են, որ մինչև տարեվերջ նախատեսում են ևս 18 սերիա թողարկել, որոնցում, հնարավոր է, որ նոր հերոսներ հայտնվեն: