Եղանակն՝ այսօր
Դենիել Քրեյգը հաջորդ «Ջեյմս Բոնդ»-ում կվարի 250 000 ֆունտ ստերլինգ արժողությամբ Aston Martin մեքենա
16:13 • 13.03.19
007 գաղտնի գործակալ Ջեյմս Բոնդի մասին հաջորդ ֆիլմում գլխավոր հերոսին մարմնավորող Դենիել Քրեյգը կվարի սահմանափակ քանակությամբ արտադրված Aston Martin էլեկտրական մեքենա:
Ինչպես նշում է Daily Mail-ը, խոսքը 250 000 ֆունտ ստերլինգ արժողությամբ Rapide E մոդելի մասին է, որը բրիտանական ընկերության առաջին էլեկտրական մեքենան է և արտադրվել է ընդամենը 155 օրինակով:
Այն որևէ վնաս չի ներկայացնում շրջակա միջավայրի համար. վնասակար արտանետումների քանակը զրոյական է:
Քաջատեղյակ աղբյուրի փոխանցմամբ՝ ռեժիսոր Քերի Ջոջի Ֆուկունագան սերտորեն համագործակցում է մեքենաշինական բրենդի հետ, որպեսզի մեքենան առավելագույն տպավորիչ տեսք ունենա էկրանին:
Բոնդի մասին հաջորդ ֆիլմի նկարահանումները կսկսվեն հաջորդ ամիս: Դրա պրեմիերան կկայանա 2020թ.:
Placeholder
Studio One