Ջոն Տրավոլտան և Հելեն Միրենն ընթրել են Պեսկովի հետ (տեսանյութ)

Հոլիվուդյան աստղ Ջոն Տրավոլտան, ինչպես նաև օսկարակիր դերասանուհի Հելեն Միրենը ներկա են եղել մոսկովյան Ritz Сarlton հյուրանոցում կազմակերպված գալա ընթրիքին՝ երեկոյի ընթացքում գտնվելով ՌԴ նախագահի մամուլի խոսնակ Դմիտրի Պեսկովի շրջապատում:

Ինչպես նշում է ria.ru-ն, գալա ընթրիքը կազմակերպվել է դասական արվեստի ոլորտում BraVo մրցանակաբաշխության դափնեկիրների և հյուրերի համար: Բուն մրցանակաբաշխությունը տեղի էր ունեցել նախօրեին՝ Մեծ թատրոնում, իսկ Տրավոլտան և Միրենը եղել են միջոցառման պատվավոր հյուրերի ցանկում:

Բացի այդ, ընթրիքին ներկա են եղել համաշխարհային ճանաչում ունեցող ռուս պարող Սերգեյ Պոլունինը, իռլանդացի երաժիշտ Քրիս դե Բուրգը, ամերիկացի երաժիշտ Մայքլ Բոլթոնը:

Հետաքրքրական է, որ ռուս երգիչներ Ֆիլիպ Կիրկորովին և Նիկոլայ Բասկովին նստեցրել են արևմտյան աստղերից հեռու, ինչը նրանց դուր չի եկել: Ավելի ուշ Կիրկորովը տեղափոխվել է Տրավոլտայի կողքն ու ակտիվ զրույց սկսել: Նրանց շփումն ընդհատել է միայն Պեսկովի ժամանումը: ՌԴ նախագահի խոսնակը ողջունել է հոլիվուդյան աստղերին:

Ավելի ուշ Տրավոլտան բեմ է բարձրացել ու ողջույնի խոսք ասել՝ ընդգծելով, որ «անցած երեկոն, անկասկած, եղել է իր երկար կյանքի ամենաառանձնահատուկ երեկոներից մեկը»:

«Տաղանդներն այնքան շատ էին, որ նրանցով կարելի է լցնել տիեզերքը»,-ասել է դերասանը՝ հավելելով. «Մոսկվա՛, բրա՛վո»:

Մինչդեռ ռուսական ծագմամբ Հելեն Միրենն իր ելույթում ասել է. «Իսկ հիմա բոլորդ կլռեք, քանի որ խոսելու եմ ես՝ Ելենա Միրոնովաս: Ես առաջին անգամ Մոսկվայում եմ եղել 1969թ.՝ Շեքսպիրյան թատրոնի հետ: Մեր ներկայացումների առաջին շարքերում նստած էին տատիկներ, որոնք Շեքսպիր էին դիտում անգլերենով: Նրանք այնպիսի զգացմունքային տարվածությամբ էին նայում, որ հենց այդ ժամանակ ինչ-ինչ բաներ հասկացա ռուսների մասին, հասկացա՝ որքան խորն է ձեր հոգին և ինչպես եք դուք հասկանում պոեզիան»:

Песков коротает вечер в компании Джона Траволты pic.twitter.com/La3TaMu3PJ

— Кремлевский пул РИА (@Kremlinpool_RIA) March 20, 2019