Եղանակն՝ այսօր
Վաստակավոր արտիստի կոչմանն արժանացած Դիմա Բիլանը պարգևատրման արարողությանը ներկայացել է հենակներով
Ռուսաստանի Դաշնության մշակույթի նախարար Վլադիմիր Մեդինսկին Ռուսաստանի վաստակավոր արտիստի կոչում է շնորհել հայտնի երգիչ Դիմա Բիլանին, որը պարգևատրմանը ներկայացել է հենակներով, գրում է «ՌԻԱ Նովոստի»-ն:
Հայտնի է, որ միջոցառումը տեղի է ունեցել Ռուսաստանի պետական ակադեմիական Մեծ թատրոնի շենքում մարտի 25-ին՝ Մշակույթի գործչին նվիրված օրը:
«Ես, կարծես, մարզիկ չեմ, թեև այսօր այսպիսի սարքերով եմ», - ասել է երգիչը:
Instagram-ի իր էջում Բիլանը լուսանկար է հրապարակել պարգևատրման արարողությունից:
Նա առանձնահատուկ շնորհակալություն է հայտնել նախ իր երկրպագուներին, այնուհետև ՌԴ մշակույթի նախարարությանը, իր հայրենի Կաբարդա-Բալկարական Հանրապետությանն ու իր հետ աշխատած ուսուցիչներին:
«Ուրախ եմ ծառայելու մարդկանց հոգիներին: Շնորհակալ եմ այս գնահատականի համար, լինել պետքական՝ դա ամենակարևոր գաղափարներից է: Հաճելի է պաշտոնապես գնահատված լինել երկրի ղեկավարի կողմից»,- գրել է Բիլանը:
Հիշեցնենք, որ անցյալ տարվա նոյեմբերին ՌԴ նախագահ Վլադիմիր Պուտինը Բիլանին ՌԴ վաստակավոր արտիստի կոչում է շնորհել:
Studio One