Օսկարակիր դերասան Մեթյու ՄքՔոնախին կդասավանդի Տեխասի համալսարանում

17:18 • 29.08.19

Օսկարակիր դերասան Մեթյու ՄքՔոնախին այս ուսումնական տարեսկզբից կդասավանդի Տեխասի համալսարանի ռադիո-հեռուստատեսության ֆակուլտետում, գրում է Daily Mail-ը:

Համալսարանը, որտեղ ՄքՔոնախին 1993 թվականին ստացել էր կինոդերասանի որակավորում, չորեքշաբթի հայտարարել է, որ դերասանը տարեսկզբից կուսուցանի իրենց համալսարանի ուսանողներին:

«Մեթյուն նվիրված է մեր դպրոցին և ուսանողներին, և մենք ավելի քան երջանիկ ենք, որ նա իր ժամանակը և տաղանդը կներդնի մեդիա առաջնորդների հաջորդ սերնդի պատրաստմանը»,- ասված է համալսարանի դեկանի հաղորդագրության մեջ:

Աղբյուրը նշում է, որ սա ՄքՔոնախիի դասավանդման առաջին փորձը չէ, քանզի 2015 թվականից համալսարանը պարբերաբար հրավիրում էր դերասանին դասախոսություններ կարդալու: Հոլիվուդյան դերասանն իր ուսանողներին նաև իր հետ ֆիլմերի նկարահանումների հրապարակ է տարել:

Համալսարանից հայտնել են, որ դերասանի «անձնական ներդրումն» ուսանողների ակադեմիական գիտելիքների ձեռքբերման, ինչպես նաև կարիերային զարգացման գործում անգնահատելի է:

«Նա դասավանդելու մեծ ջիղ ու պատրաստակամություն ունի»,- հայտնել են համալսարանից և հավելել, որ նրա ոգևորությունը «վարակիչ» է:

Մեթյու ՄքՔոնախին հանդես է եկել ավելի քան 50 ֆիլմերում, արժանացել է «Օսկար» և «Ոսկե գլոբուս» մրցանակների:

The University of Texas announced Wednesday that it has hired actor Matthew McConaughey (center), 49, as a faculty professor to teach film classes beginning this fall

McConaughey graduated from UT with a film degree of his own back in 1993 before going on to become one of the most successful actors of his generation