Գերմանիան կարող է պարտադրել քաղաքացիներին դիմակ-ռեսպիրատորներ կրել
Գերմանիայի իշխանությունները քննարկում են FFP2 դասի պրոֆեսիոնալ շնչառական դիմակների (ռեսպիրատորների) պարտադիր կրման հնարավորությունը: Ըստ գերմանական Bild թերթի, հունվարի 18-ից այս միջոցառումն արդեն իսկ գործում է Բավարիայի խանութներում և հասարակական տրանսպորտում:
Ըստ պարբերականի՝ հանրապետության տարածքում ռեսպիրատորների պարտադիր կրման մասին որոշումը կարող է ընդունվել երեքշաբթի օրը: Բացի այդ, Գերմանիայի կանցլեր Անգելա Մերկելը դաշնային նահանգների ղեկավարների հետ կքննարկի կորոնավիրուսի նոր շտամների պատճառով երկրում այլ միջոցառումների խստացումը: Մասնավորապես, քննարկման կդրվի պարետային ժամ մտցնելու հնարավորությունը, հասարակական տրանսպորտի շահագործման սահմանափակումները, ինչպես նաև ձեռնարկությունների աշխատակիցների լիակատար տեղափոխումը հեռավոր վայրեր:
Հիշեցնենք՝ դեկտեմբերի 16-ից Գերմանիայում ուժի մեջ են մտել կարանտինային կոշտ սահմանափակումներ: Առևտրային բոլոր կետերը փակ են, բացառությամբ սննդամթերքի, կենցաղային և որոշ այլ խանութների, որոնք վաճառում են կենսական նշանակության ապրանքներ: Թանգարանները, թատրոնները, գեղեցկության սրահները չեն աշխատում, դպրոցականները սովորում են հեռավար ռեժիմով:
Ավելի վաղ Ավստրիայի կանցլեր Սեբաստիան Կուրցը խորհուրդ էր տվել բնակչությանը, սովորական բժշկական դիմակների փոխարեն, հասարակական վայրերում կրել FFP2 դասի ռեսպիրատոր-դիմակներ, արտասահմանցիներից նվազագույնը 2 մ հեռավորություն պահել և գործատուներին կոչ էր արել աշխատողների մեծ մասին ապահովել հեռավար աշխատանքով:










