Ղրղզստանը կհրաժարվի Pfizer պատվաստանյութից

13:43 • 19.01.21

Ղրղզստանը կհրաժարվի Pfizer պատվաստանյութից՝ դրա պահեստավորման համար սառնարաններ չունենալու պատճառով: Այս մասին հայտնել է հանրապետության առողջապահության նախարար Ալիմկադիր Բեյշենալիևը, գրում է «ՌԻԱ Նովոստի»-ն:

«Մեզ առաջարկել են ամերիկյան Pfizer պատվաստանյութը: Այնուամենայնիվ, պատվաստանյութը պետք է պահվի 70 աստիճան ցրտի պայմաններում: Մենք ուզում էինք այս պատվաստանյութի ավելի քան մեկ միլիոն դեղաչափ տրամադրել բնակչությանն՝ անվճար հիմունքներով: Այնուամենայնիվ, պատվաստանյութը բերելու, պահելու և պատվաստելու համար մեզ անհրաժեշտ են հատուկ սառնարաններ, որոնք մենք չունենք», - ասել է պաշտոնյան:

Նախարարի խոսքով ՝ այս ջերմաստիճանը պահպանող մեկ սառնարանն արժե շուրջ 4 հազար դոլար, մինչդեռ երկիրն այդքան ֆինանսական միջոցներ չունի: