Ադրբեջանի ԱԳՆ-ն «սև ցուցակում» է ընդգրկել «Եդինայա Ռոսիա»-ի՝ Արցախ այցելած պատգամավորին

17:18 • 25.01.21

Ադրբեջանի ԱԳՆ-ն արձագանքել է Ռուսաստանի Պետդումայի անդամ Վիտալի Միլոնովի՝ հայկական լրատվամիջոցներից մեկին տված հարցազրույցին: Այս մասին հայտնում է minval.az-ը:

«Ադրբեջանի արտգործնախարարությունը խստորեն դատապարտում է ադրբեջանական պետության և ժողովրդի նկատմամբ անընդունելի արտահայտությունները, որոնք իր հարցազրույցի ժամանակ օգտագործել է Պետդումայի իշխող «Եդինայա Ռոսիա» կուսակցության պատգամավոր Վիտալի Միլոնովը»,-ասվում է ԱԳՆ հայտարարությունում:

Հայտնի է, որ Միլոնովն այցելել է Լեռնային Ղարաբաղ, ինչի հետևանքով ընդգրկվել է այն օտարերկրյա քաղաքացիների ցուցակում, որոնց արգելվում է մուտք գործել Ադրբեջանի տարածք: