Թուրքիան ինժեներական սարքավորումներ է տրամադրել Վրաստանի ՊՆ-ին

10:01 • 25.01.21

Թուրքիան լազերային հաշվիչներ և այլ ինժեներական սարքավորումներ է փոխանցել Վրաստանի պաշտպանության նախարարությանը: Այս մասին հայտնում է Վրաստանի պաշտպանության նախարարության մամուլի ծառայությունը, գրում է «Грузия Онлайн» պորտալը:

Նշվում է, որ սարքավորումները տրամադրվել են որպես դրամաշնորհ: Դրանք կփոխանցվեն Վրաստանի պաշտպանության ուժերի ինժեներական զորքերին:

Թուրքական կողմից սարքավորումների տեղափոխման մասին փաստաթուղթը ստորագրել է Թուրքիայի ռազմական կցորդ, գնդապետ Բուրաք Ալթըները, իսկ վրացական կողմից ՝ Վրաստանի պաշտպանության ուժերի ռազմավարական պլանավորման վարչության պետ, գնդապետ Իոսիֆ Նիկոլեիշվիլին:

«Այս սարքավորումը կնպաստի մեր ստորաբաժանումների կողմից առաջադրանքների արդյունավետ կատարմանը: Այսօրը Վրաստանի և Թուրքիայի միջև սերտ ռազմական համագործակցության հերթական ցուցադրումը դարձավ»,-ասել է Նիկոլեիշվիլին:

Նախարարությունը նշել է, որ Թուրքիան և Վրաստանը երկար տարիներ սերտ և հաջող համագործակցում են պաշտպանության ոլորտում: