Լավ, բա մեկիդ մտքով չանցա՞վ՝ ինչու՞ մինչև ձեզ սահմանագծին նման երևույթներ չկային, ինչու՞ են բոլոր անհավանական խնդիրները ձեր իշխանության օրոք պատահում. Տիգրան Աբրահամյան

Լավ, բա մեկիդ մտքով չանցա՞վ՝ ինչու՞ մինչև ձեզ սահմանագծին նման երևույթներ չկային, ինչու՞ են բոլոր անհավանական խնդիրները ձեր իշխանության օրոք պատահում, ֆեյսբուքյան իր էջում գրել է «Հենակետ» վերլուծական կենտրոնի ղեկավար Տիգրան Աբրահամյանը:

«Թե բա՝ սահմանի ողջ երկայնքով հայ և ադրբեջանցի զինծառայողների միջև ծեծկռտուք է եղել։

Լավ, բա մեկիդ մտքով չանցա՞վ, թե ինչի՞ մինչև ձեզ, սահմանագծին նման երևույթներ չկային։ Ինչի՞ է բոլոր անհավանական «չեպեները» ձեր հետ լինում, ձեր իշխանության օրոք։

Կամ ասում է՝ ճիշտ չեն զեկուցել թեման, դրա համար հակասական պաշտոնական հայտարարություններ է հնչել։

Հազար հատ ծառայություն կա, որ նման միջադեպերի պարագայում ըստ ենթակայության պետք է զեկուցի, իսկ սրանք ինչ իրենց պետք չի՝ տեղյակ չեն։

Այսքան խոսեցին, մանիպուլացրեցին, բայց իրենց «հիմնավորումներով» ավելի ամրապնդեցին այն որակումները, ինչը հնչում է իրենց, իրենց համակարգերի և չեղած ինստիտուտների մասին»,- գրել է Աբրահամյանը։