Եղանակն՝ այսօր
«Արհեստական արև». չինական միջուկային ռեակտորը 100 վայրկյան աշխատել է Ցելսիուսի սանդղակով` 120 մլն աստիճան ջերմաստիճանի ներքո
17:26 • 02.06.21
Չինաստանի «արհեստական արև» ջերմամիջուկային ռեակտորը նոր համաշխարհային ռեկորդ է սահմանել` 100 վայրկյան աշխատելով Ցելսիուսի սանդղակով` 120 մլն աստիճան ջերմաստիճանի ներքո:
Ինչպես փոխանցում է Daily Mail-ը` հղում անելով երկրի պետական լրատվամիջոցին, ռեակտորը շատ կարճ ժամանակով 160 մլն աստիճան ջերմաստիճան է զարգացրել, ինչն Արևի բնական էներգիայից 10 անգամ ավելին է:
Չինացի գիտնականները հույս են հայտնել, որ փորձարարական ռեակտորը հզոր «կանաչ էներգիա» կապահովի Պեկինի «անսահմանափակ մաքուր էներգիա» արշավի իրագործման համար:
Նախորդ ռեկորդը սահմանվել էր դեկտեմբերին, երբ սարքը 100 վայրկյան շարունակ աշխատել էր 100 մլն աստիճան ջերմաստիճանի ներքո:
Հաջորդ նպատակը կարող է դառնալ կայուն ջերմաստիճանով մեկ շաբաթյա տևողությամբ աշխատանքը:
Placeholder
Studio One