Լուի Բոնոն կայցելի Բաքու

09:56 • 24.05.24

ԱՄՆ Պետդեպի՝ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուի Բոնո հաջորդ շաբաթ կայցելի Ադրբեջան։

Ինչպես հաղորդում են ադրբեջանական լրատվամիջոցները՝ Ադրբեջանում ԱՄՆ դեսպանատանը հղումով, նախատեսվում է քննարկել «Միացյալ Նահանգների աջակցությունը խաղաղ գործընթացին և կայուն ու արժանապատիվ խաղաղության հասնելու ուղիները»:

«Մենք պատրաստ ենք աջակցել ցանկացած գործընթացի, որը խաղաղություն և կայունություն կբերի Հարավային Կովկասի ժողովուրդներին», - հայտնել են Ադրբեջանում ԱՄՆ դեսպանատնից։

Հիշեցնենք, որ նախօրեին Բոնոն գտնվում էր Երևանում, որտեղ քաղաքական բարձր մակարդակով մի շարք հանդիպումներ է անցկացրել։