ԵՄ-ն 890 միլիոն եվրոյի տուգանք է սահմանել Google-ի նկատմամբ

Եվրահանձնաժողովի որոշմամբ՝ Google-ը տուգանվել է 890 միլիոն եվրոյով՝ «Թվային շուկաների մասին» օրենքը (DMA) խախտելու համար:

Ըստ հանձնաժողովի՝ Google-ը Google Play-ն ու Google Search որոնողական համակարգն այնպես է կարգավորել, որ սպառողներին ուղղորդել է դեպի սեփական ծառայություններն ու հավելվածները և վնաս հասցրել մրցակիցներին։

AP գործակալությունը նշում է, որ այս քայլը ևս մեկ անգամ հաստատում է ԵՄ-ի դիրքը որպես համաշխարհային առաջատար՝ տեխնոլոգիական հսկաների գործունեության կարգավորման հարցում։