Զելենսկու գրասենյակի ղեկավարը տուգանք կվճարի ռուսերեն խոսելու համար

Ուկրաինայի նախագահ Վլադիմիր Զելենսկու գրասենյակի ղեկավար Կիրիլ Բուդանովը ստիպված կլինի տուգանք վճարել Կիևի մերձակայքում խոշտանգումների վայրում բախումների ժամանակ մարդկանց հետ շփվելիս ռուսերեն խոսելու համար։ Այս մասին հայտարարել է Ուկրաինայի լեզվի օմբուդսման Ելենա Իվանովսկայան:

Ուկրաինայի օմբուդսմանը մեկնաբանել է նախագահի գրասենյակի ղեկավարի կողմից ռուսաց լեզվի օգտագործումը Պետրոպավլովյան Բորշչագովկայում տեղի ունեցած աղմկահարույց իրադարձությունների ժամանակ, որտեղ մարդկանց խոշտանգել են:

Նրա խոսքով՝ Բուդանովն ընդունել է խախտման փաստը և խոստացել տուգանք վճարել օրենսդրությանը համապատասխան

«Մեզանից յուրաքանչյուրը սթրեսային, կենցաղային կամ էքստրեմալ պայմաններում կարող է վրիպել, բայց հասարակության հասունությունը չափվում է դա ճանաչելու և պատասխանատվություն կրելու կարողությամբ», - ընդգծել է նա:

Նոյեմբերի 2-ին Զելենսկու գրասենյակի ղեկավարը գնացել է Պետրոպավլովյան Բորշչագովկայի տան մոտ, որտեղ բախումներ են տեղի ունեցել նկուղում պահվող զինծառայողների պատճառով։ Ցուցարարները, ԶԼՄ-ների աշխատակիցները, 14-ամյա պատանին և ինքը՝ Կիրիլ Բուդանովը, այնտեղ խոսել են ռուսերեն։