Մայքլ Ջեքսոնն Արևելյան Եվրոպայում է. The Sun

Փոփի հանգուցյալ արքա Մայքլ Ջեքսոնի ծննդյան 52–ամյակի նախօրեին լրատվամիջոցները կրկին սկսել են առասպելական լուրեր տարածել նրա մասին։

Բրիտանական The Sun տաբլոյդը, օրինակ, գրել է, որ Ջեքսոնը բեմադրել է սեփական մահը։

Ջեքսոնը, ըստ աղբյուրի, պարզապես փախչել է իր վարկատուներից, քանի որ բոլորին է հայտնի նրա կուտակած ահռելի պարտքերի մասին։

Պարբերականը, վկայակոչելով իր անանուն աղբյուրները, գրում է, որ փոփ արքան իր մահը պլանավորել էր դեռ մի քանի տարի առաջ և այժմ թաքնվում է Արևելյան Եվրոպայում։

www.michaeljacksonsightings.com կայքն էլ հաղորդում է, որ Ջեքսոնին տեսել են օդանավակայանում նրա մահվան մասին լուրը տարածվելուց հետո։