Եղանակն՝ այսօր
Փարիզում ԽՍՀՄ փլուզմանը նվիրված ցուցահանդես է բացվել
Փարիզի Հաշմանդամների տան պատմության թանգարանում բացվել է «ԽՍՀՄ. Կուսակցության վերջը։ Վերակառուցման տարիները» խորագրով ցուցահանդես: Միջոցառման պաստառի վրա պատկերված է շախմատային տախտակ, որի յուրաքանչյուր վանդակում տեղ են գտել այդ տարիների հայտնի լուսանկարները։
Ցուցահանդեսում ներկայացված են մոտ 200 ցուցանմուշներ, որոնք արտացոլում են տվյալ ժամանակահատվածի ոգին`պաստառներ, լուսա և տեսաձայնագրություններ, խորհրդային թերթեր:
Ցուցադրությունը կազմակերպել են Ժամանակակից արտասահմանյան փաստաթղթային գրադարանը, Վալանսիեն քաղաքի գեղարվեստական պատկերասրահը և Սորբոնի համալսարանի` Նանտեր քաղաքում գտնվող մասնաճյուղը: Ցուցանմուշների տրամադրմանն աջակցել են Մոսկվայի հանրային պետական պատմության և Ռուսական ազգային գրադարանները:
Ցուցահանդեսը կտևի մինչև հաջորդ տարվա փետրվարի վերջ:
Studio One