Երևանում տեղի ուենցավ Վիսոցկիին նվիրված ֆիլմի պրեմիերան. ներկա էր նաև երգչի որդին

Մոսկվայի տանն այսօր կայացավ Ռեժիսոր Պյոտր Բուսլովի «Վիսոցկի. Շնորհակալություն, որ ողջ ես» ֆիլմի երևանյան պրեմիերան, որին ներկա էր նաև Վլադիմիր Վիսոցկու որդին՝ Նիկիտա Վիսոցկին, ով նաև ֆիլմի սցենարիստն էր և պրոդյուսերներից մեկը:

Մինչ ֆիլմի պրեմիերան Նիկիտա Վիսոցկին լրագրողների հետ հանդիպմանը խոստովանեց, որ ֆիլմի նկատմամբ վերաբերմունքը միանշանակ չի եղել, սակայն դիտողների հիմնական մասին՝ շուրջ 70%-ին այն դուր է եկել: Ֆիլմը դուր չի եկել միայն 8%-ին:

Նիկիտան նաև նշեց, որ դիտողների 2%-ին ընդհանրապես դուր չի եկել: «Բացասական իմիջ ստեղծեցին մինչև պրեմիերան, նշելով, որ Վիսոցկին այդպիսին չէր, երիտասարդությունը այդ դերասանական խաղը չի ընկալի որպես հերոսի»,- ասաց նա և հավելեց, որ հենց այդ քարոզչության արդյունքով էլ մարդիկ գալիս էին կինոդահլիճներ, արդեն իսկ մտածելով , որ ֆիլմն իրենց դուր չի գա և շատ դեպքերում հակառակը համոզվում:

Ընդհարուր առմամբ Նիկիտա Վիսոցկին նշեց, որ գոհ է արդյունքներից: «Ֆիլմում շատ է էներգիան, ռուսական կինոյի համար իսկապես շատ լավ է նկարահանված»,- ասաց նա վկայակոչելով կինոթատրոններում, կիոնվարձույթներում և ինտերնետում տեղի ունեցած բումը:

«Ֆիլմը Վիսոցկու մասին առաջին գեղարվեստական աշխատանքն է, և մենք պարտավոր էինք, որ այն ունենար հաջողություն: Նա ամեն ինչ էր, իսկական հերոս, երգիչ, պոետ, դերասան և փորձ է արվել այդ ամենը ներկայացնել ֆիլմում»,- ասաց ֆիլմի սցենարիստը:
Ֆիլմի մասին մեղադրական գնահատականներից մեկն էլ, ըստ նրա, եղել է այն, իբր ֆիլմն ստեղծվել է փող աշխատելու համար: «Սակայն իրականում դա այդպես չէ»,- հավատացրեց Վիսոցկու որդին:

Նա նշեց, որ ֆիլմի վրա աշխատնքները տևել են 5 տարի: Ընհանուր բյուջեն կազմել է 12 մլն դոլար և որ այն կիսով չափ ամերիկական է:
Նիկիտա Վիսոցկին չհերքեց այն փաստը, որ հոր դերում հանդես գալու համար նախապես ինքն էլ է եղել հավակնորդ, նույնիսկ մարզվել է, փորձել քաշ քցել նմանվելու նրան, կիթառ նվագել, սակայն նա խոստովանեց, որ ժամանակին են հասցրել կանգ առել:

Հերոսի վերջնական ընտրությունը, որը նրա կրկնօրինակն է հիշեցնում և որի շուրջ բավական շատ է եղել քննադատությունը, Նիկիտա Վիսոցկին հայտատարեց, որ PR քայլ չի եղել, ինչպես հաճախ նշվել է.«Դերասանի մաքսիմալ համապատասխանեցումը ճիշտ որոշում էր: Այդ խնդիրը դիտումից հետո կորչում է և հասկանում ենք, որ դա չէ գլխավորը»,- ասաց նա:

Նիկիտա Վիսոցկին հավելեց, թե այն պնդումը, որ Վլադիմիր Վիսոցկին բոլորի կողմից սիրված է եղել միֆ է և ֆիլմում ներկայացվել է, որ նա բոլորի կողմից մինշանակ չէր ընդունվում:

Նիկիտա Վիսոցկին առաջին անգամ էր Հայաստանում և արդեն հասցրել էր հավանել Երևանը, հայերին և որ ամենկակարևորն է՝ հայկական կոնյակը: