Եղանակն՝ այսօր
Հայկական 20-րդ փառատոն՝ ԱՄՆ Վիրջինիա նահանգում
11:41 • 05.06.12
ԱՄՆ Վիրջինիա նահանգի Ալեքսանդրիա քաղաքում տեղի է ունեցել հայկական 20-րդ փառատոնը:
ՀՀ ԱԳ նախարարության լրատվական ծառայությունից հայտնում են, որ փառատոնը կազմակերպվել է Ալեքսանդրիա-Գյումրի քույր քաղաքների հանձնախմբի, «Վարդանի ասպետներ» հասարակական կազմակերպության և Ալեքսանդրիայի քաղաքապետարանի կողմից` ԱՄՆ-ում ՀՀ դեսպանության աջակցությամբ:
Բազմահազարանոց միջոցառման ընթացքում հնչել է հայկական երաժշտություն և ներկայացվել է հայկական պարարվեստը, ինչպես նաև մատուցվել են հայկական ազգային ուտեստներ:
Փառատոնի բացման արարողությանը ներկաներին ողջույնի խոսք են հղել Ալեքսանդրիայի քաղաքապետարանի և ՀՀ դեսպանության ներկայացուցիչները:
Քաղաքապետի կողմից հունիսի 2-ը Ալեքսանդրիայում հռչակվել է Հայաստանի օր:
Placeholder
Studio One