Եղանակն՝ այսօր
Հենրիկ Մխիթարյանը պնդում է, որ իր գյուտը գրանցեն որպես հավերժական շարժիչ, այլ ոչ՝ շարժիչ
Կառավարության շենքի դիմաց բողոքի ակցիաներ, այդ թվում՝ հացադուլ անող մաթեմատիկոս, ֆիզիկոս Հենրիկ Մխիթարյանի գյուտը Մտավոր սեփականության գործակալության գյուտերի և օգտակար մոդելների բաժինը ոչ թե հրաժարվում է գրանցել, այլ հրաժարվում է գրանցել «հավերժական շարժիչ» անվան տակ:
Tert.am–ի հետ զրույցում այս մասին ասաց գործակալության գյուտերի և օգտակար մոդելների բաժնի պետ Ավետիս Պերյանը և հիշեցրեց, որ գիտությունը չի ընդունում հավերժական շարժիչը:
Ըստ իրավաբանի՝ խնդիրը այստեղ այլ հարթության մեջ է.«Կարող է՝ իր սարքը աշխատում է, բայց ինքն ասում է՝ «չէ՛, անունը դրեք հավերժական շարժիչ»: Բայց էնտեղ հավերժական բան չկա»:
Այսինքն՝ եթե հստակեցնենք՝ Մտավոր սեփականության գործակալությունը պատրաստ է մաթեմատիկոս, ֆիզիկոսի գյուտը գրանցել «շարժիչ» անվան, բայց ոչ՝ «հավերժական շարժիչ» անվան ներքո:
Ի դեպ, Ավետիս Պերյանի տեղեկացմամբ, Հենրիկ Մխիթարյանը գրանցված բազմաթիվ այլ արտոնագրեր ունի:
Հիշեցնենք, որ օրեր առաջ Կառավարության շենքի մոտ հացադուլ հայտարարած Հենրիկ Մխիթարյանը պնդում էր, որ ստեղծել է հավերժական շարժիչ, սակայն ոչ ոք չի ուզում ընդունել այդ փաստը, և հաշվի չի առնում մի շարք այլ հետազոտությունների արդյունքներ:
Ի պատասխան հարցի՝ բայց չէ, որ գիտությունը տեղում չի դոփում, և օրինակ՝ Օքսֆորդի գիտնականները ապացուցված են համարել զուգահեռ աշխարհների գոյությունը, ինչը տարիներ առաջ հավասարազոր կլիներ հավերժական շարժիչի գյուտին, Ավետիս Պերյանն ասաց. «Չէ, սա շատ պրիմիտիվ սարք է ու գիտության հետ կապ չունի: Դպրոցական մակարդակի՝ «Հետաքրքրաշարժ ֆիզիկա» ոլորտի բան է»:
Studio One