«Եվրատեսիլ 2013»-ի եզրափակչի տոմսերը վաճառվել են ընդամենը 22 րոպեում

«Եվրատեսիլ 2013» երգի մրցույթի եզրափակիչ փուլի տոմսերը վաճառքի հանվելուց ընդամենը 22 րոպե անց սպառվել են՝ ևս մեկ անգամ ապացուցելով, թե հանրության շրջանում որքան մեծ է այս մրցույթի նկատմամբ հետաքրքրությունը, գրում է Euromag-ը՝ հղում անելով The Local-ին։

«Մենք անչափ ուրախ ենք, որ տոմսերը նման կարճ ժամանակահատվածում են սպառվել։ Ինչ վերաբերում է դրանց գներին, ապա ամենաէժան տոմսերն արժեն 10 եվրոյից ոչ ավելի և հնարավորություն են տալիս բոլոր ցանկացողներին ներկա գտնվել այդ ցնցող շոուին»,-նշել է մրցույթի գործադիր պրոդյուսեր Մարտին Օստերդալը։

Կազմակերպիչները նշել են, որ տեխնիկական բնույթի պատրաստությունների ավարտից հետո, վաճառքի կհանվի տոմսերի ևս մի խմբաքանակ։ Հիշեցնենք, որ «Եվրատեսիլ 2013»-ն այս տարի կանցկացվի շվեդական Մալմյո քաղաքում՝ մայիսի 14-ին, 16-ին և 18-ին։