Այսօր Կինոյի միջազգային օրն է

Կինոյի միջազգային օրը տոն է կինոյի բոլոր գործիչների և սիրահարների համար ամբողջ աշխարհում, գրում է calend.ru-ն։

1895թ. դեկտեմբերի 28-ին Փարիզում Կապուցինոկ բուլվարում գտնվող «Գրանդ սրճարան»-ում տեղի է ունեցել առաջին կինոդիտումը։ Եղբայրներ Օգյուստ և Լուի Լյումերները հանրությանը ներկայացրեցին աշխարհում առաջին կարճամետրաժ ֆիլմը՝ «Գնացքի ժամանումը Լա Սյոտա կայարան»։ Այն առաջին ֆիլմն է, որը ներկայացվել է հանրությանը գումարի դիմաց։

Սակայն ֆիլմը խուճապ է առաջացրել հանդիսատեսի մոտ. նրանք փախչում են սրահից՝ վախենալով, որ էկրանում մոտեցող գնացքը նրանց վրա է գալիս։