Մարսել և Կոշիցե քաղաքները դարձել են ԵՄ 2013թ. մշակութային մայրաքաղաքներ

Ֆրանսիայի Մարսել և Սլովակիայի Կոշիցե քաղաքները հայտարարվել են Եվրոպական Միության (ԵՄ) 2013թ. մշակութային մայրաքաղաքներ, հայտնում է РИА Новости-ն` վկայակոչելով Եվրոպական հանձնաժողովի մամուլի ծառայությանը:

Այս քաղաքների թեկնածությունն առաջարկած ժյուրին կազմված է Եվրոպական հանձնաժողովի, ԵՄ Խորհրդի, Եվրոպական խորհրդարանի, ԵՄ երկրների և շրջանների կոմիտեի ներկայացուցիչներից:

Եվրոպական մշակութային մայրաքաղաքի կոչման քաղաքների ընտրությունն անցկացնում է անկախ փորձագետներից բաղկացած ժյուրին:

Եվրոպական մշակութային մայրաքաղաքի կարգավիճակ ստացած քաղաքներում կազմակերպվում են բազմաթիվ մշակութային և տուրիստական միջոցառումներ:

ԵՄ-ն այս նախաձեռնությունը գոյություն ունի 1985թ-ից, երբ առաջին անգամ եվրոպական մշակութային մայրաքաղաք ճանաչվեց Հունաստանի մայրաքաղաք Աթենքը: