Նավթի իրական գեղեցկությունը. բելառուս նկարչուհին ուշագրավ կտավներ է ստեղծում «սև ոսկուց» (լուսանկարներ)

Տարածված ասացվածք կա, որ տաղանդավոր նկարիչը կարող է արվեստի գործ ստեղծել ցանկացած բանից, և բելառուս նկարչուհի Լյուդմիլա Ժիժենկոն իր օրինակով ապացուցում է դա։

Ինչպես նշում է Oddity Central-ը, տարիներ առաջ նա հայտնագործել է նավթով նկարելու տեխնիկան, ինչից հետո դադարել է ստեղծագործել յուղաներկով ու ջրաներկով՝ նախապատվությունը տալով բացառապես «սև ոսկուն»։
 

Մասնագետների կարծիքով՝ Լյուդմիլայի աշխատանքները լուսանկարչության ու նկարչության գեղեցիկ սինթեզ են. դրանք նման են վինտաժային, փոքր-ինչ դեղնած լուսանկարների։

Կինը պատմել է, որ կտավներից յուրաքանչյուրը ստեղծելու համար ինքն օգտագործում է մոտ 10 գրամ նավթ։