Մահացել է թատրոնի և կինոյի սիրված դերասան Յուրի Յակովլևը

Այս գիշեր հիվանդանոցում երկարատև ծանր հիվանդությունից հետո մահացել է ԽՍՀՄ ժողովրդական արտիստ, Վախթանգովի թատրոնի դերասան Յուրի Յակովլևը, հաղորդում է ria.ru-ն՝ հղում անելով թատրոնի մամուլի ծառայությանը:

Սիրված դերասանին հրաժեշտի արարողությունը տեղի կունենա Վախթանգովի թատրոնում:

Դերասանը ծնվել է 1928 թվականի ապրիլի 25-ին, Մոսկվայում, իրավաբանի ընտանիքում։ Յակովլևը խաղացել է 100-ից ավելի դերեր թատրոնում և կինոյում: Նրա ամենահայտնի աշխատանքներն են «Իվան Վասիլևիչը փոխում է մասնագիտությունը» ֆիլմում Իվան Ահեղի, «Ճակատագրի հեգնանքը կամ բաղնիքդ անուշ» ֆիլմում Իպոլիտի դերերը: Հատկապես սիրված է նրա՝ «Царь. Очень приятно, царь» արտահայտությունը։