Լիբիայում իսլամիստներն այրել են հնագույն քրիստոնեական գրադարանը

Տրիպոլիում արմատական իսլամիստներն այրել են հնագույն քրիստոնեական գրադարանը: Այս մասին գրում է gazeta.ru-ն՝ հղում անելով Agence France-Presse-ին:

Գրադարանում կար մոտ 80 հազար գիրք և ձեռագիր, որոնց երկու երրորդը վառվել է: Նյութերը, որոնք հնարավոր է եղել փրկել, մեծամասամբ խիստ վնասվել են:

Գրադարանը պատկանում էր հույն ուղղափառ քահանա Իբրահիմ Սուրուժուին:

Վերջերս նա մեղադրվել է Մուհամեդ մարգարեի մասին իսլամի համար վիրավորական նյութերի պատրաստմանը մասնակցության համար, սակայն ավելի ուշ իշխանությունները հերքել են վիրավորանքին Սուրուժայի մասնակցությունը:
Այնուամենայնիվ, իսլամիստներն այրել են գրադարանը:

Գրադարանը գտնվում էր Տրիպոլիի պատմական կենտրոնում: