Թուրքական խորհրդարանից կորել է նախկին նախարարներին անձեռնմխելիությունից զրկելու վերաբերյալ հարցումը
Թուրքիայի խորհրդարանում անհետացել է Գլխավոր դատախազության նամակը՝ նախկին նախարարներ Մուամմեր Գյուլերին, Զաֆեր Չաղլայանին և Էրդողան Բայրաքթարին պատգամավորական անձեռնմխելիությունից զրկելու վերաբերյալ։
Ինչպես տեղեկացնում է թուրքական Taraf թերթի կայքը, նրանք այն նախարարներն էին, որոնք հրաժարական էին տվել իրենց որդիների ձերբակալությունից հետո՝ կոռուպցիոն սկանդալին մասնակցած լինելու մեղադրանքով։
Հունվարի 3-ին դատախազությունը հարցում էր ուղարկել խորհրդարան՝ խնդրելով հանել նախկին նախարարների պատգամավորական անձեռնմխելիությունը, սակայն հարցումն անհասկանալի կերպով անհետացել է։










