Ավստրալիայում բժիշկները խավարասեր են հեռացրել տղամարդու ականջից
Ավստրալիայի Դարվին քաղաքում բժիշկները 2-սանտիմետրանոց խավարասեր են հեռացրել տղամարդու ականջից, այս մասին հայտնում է BBC-ն:
Հենդրիկ Հելմեր անունով տղամարդու ականջ մտած միջատը նրան տանջալի ցավ է տվել: Հենց ականջում զգալի ուժեղ ցավից էլ նա արթնացել է չորեքշաբթի օրը և դիմել բժշկի:
Նախքան բժշկի դիմելը Հելմերը, որ կարծել է, թե իր ականջում թունավոր սարդ է, փորձել է հեռացնել նախ փոշեկուլի, ապա ջրի միջոցով:
Բժիշկները նախ յուղ են կաթեցրել Հելմերի ականջին, ինչից հետո միջատը էլ ավելի խորն է մտել: Միջատին հնարավոր է եղել հեռացնել միայն այն ժամանակ, երբ այն սատկել է։
Աշխարհում կա խավարասերի 4600 տեսակ, որոնցից 30-ը համարվում է վնասատու:










