«Ավտոմայդանի» մասնակիցները փորձել են հասնել Ուկրաինայի նախագահական նստավայր (տեսանյութ)

10:14 • 13.01.14

Ուկրաինայում՝ Մեժիգորեի նախագահական նստավայրից մի քանի հարյուր մետր հեռավորության վրա, ոստիկանությունը կասեցրել է «Ավտոմայդանը», հայտնում է korrespondent.net-ը։

 

Մայդանի ակտիվիստներն Ուկրաինայի նախագահ Վիկտոր Յանուկովիչի նստավայրի մոտ պիկետ անցկացնելու հերթական փորձից հետո վերադարձել են Կիև։

 

Ավտոշարասյունը շարժվել է Կիևի Եվրոպական հրապարակից։ Առաջին ավտոշարասյունը, որի կազմում եղել է ավելի քան 10 մեքենա, արգելափակվել է Փոստային հրապարակում։

 

«Ավտոմայդանի ցույցը» Յանուկովիչի նստավայրի մոտակայքում տևել է մոտ մեկ ժամ։ Այնուհետ եվրաինտեգրման կողմնակիցների ցույցը շարունակվել է «Ուկրաինական ընտրություն» հասարակական շարժման ղեկավար Վիկտոր Մեդվեդչուկի տան մոտ։