Կայացել է «Ոսկե գլոբուս-2014» մրցանակաբաշխությունը (լուսանկարներ)

09:04 • 13.01.14

Լոս Անջելեսում (ԱՄՆ) կիրակի կայացել է «Ոսկե գլոբուսի» 71-րդ մրցանակաբաշխությունը, այս մասին հայտնում է Gazeta.ru-ն:

«Ստրկության 12 տարին» ճանաչվել է տարվա լավագույն դրամատիկ ֆիլմ: Այս մրցանակին էին հավակնում նաև «Նավապետ Ֆիլիփսը», «Ձգողականություն», «Ֆիլոմենե» և «Ավտոարշավ» ֆիլմերը:

Քեյթ Բլանշեթը («Ջեսմին») և Մեթյու ՄքՔոնահին («Գնորդների դալլասյան ակումբ») ճանաչվել են տարվա լավագույն դրամատիկ դերասանուհի և դերասան:

Լավագույն կատակերգություն է ճանաչվել «Խարդախություն ամերիկյան ձևով» ֆիլմը:

Ռեժիսոր Ալֆոնսո Կուարոնը «Ոսկե գլոբուս» է ստացել «Ձգողականություն» ֆիլմի համար:

Լեոնարդո դի Կապրիոն («Ուոլ Սթրիթի գայլը») հաղթել է «Տղամարդու լավագույն դերակատարում կատակերգությունում կամ մյուզիքլում» անվանակարգում, Էյմի Ադամսը` մրցանակ կատակերգությունում կնոջ դերի համար («Խարդախություն ամերիկյան ձևով»):

Մայքլ Դուգլասը մրցանակ է ստացել «Լավագույն հեռուստաֆիլմի դերասան» անվանակարգում («Մոմակալներ»):

Մրցանակներ են շնորհվել նաև «լավագույն սիտկոմ», «լավագույն սերիալներ», «լավագույն սերիալային դերասաններ» անվանակարգերում:

«Ոսկե գլոբուսի» այս և շատ այլ պահեր` Huffington Post-ի լուսանկարներով.

Լեոնարդո դի Կապրիոն