Իրանում 11-ամյա հաքեր է ձերբակալվել

16:40 • 13.01.14

Իրանի Մազանդարան նահանգում 11-ամյա ցանցահեն է ձերբակալվել։


Ինչպես տեղեկացնում է իրանական ISNA գործակալությունը, այդ մասին հաղորդել է Մազանդարանի ոստիկանության կիբերհանցագործությունների վարչության ղեկավար Ահմեդռզա Ռուսթամին։

 

Նրա խոսքով՝ 11-ամյա ցանցահենը ստացել է մի օգտատիրոջ էլեկտրոնային փոստի գաղտնաբառն ու նրա բանկային հաշվից գումար է փոխանցել իր հաշվին։

Ցանցահեն երեխայի դեմ քրեական գործ է հարուցվել։