Ուղևորատար ինքնաթիռի օդաչուներն ԱՄՆ-ում վայրէջքի ժամանակ շփոթել են օդանավակայանները

12:37 • 13.01.14

Ամերիկյան Southwest Airlines ավիաընկերությանը պատկանող ինքնաթիռը, որում 100-ից ավելի ուղևոր է եղել, վայրէջք է կատարել Միսսուրի նահանգի ոչ այն օդանավակայանում, որում նախատեսված է եղել, տեղեկացնում է Взгляд-ը։

 

Չիկագոյից ժամանած ինքնաթիռը պետք է վայրէջք կատարեր Բրենսոնի օդանավակայանում, սակայն դրա փոխարեն ուղևորվել է Թեյնիի օդանավակայան, տեղեկացրել է ավիաընկերության մամուլի քարտուղարը։

 

Վայրէջքը բարեհաջող է ընթացել։ Ինքնաթիռում եղել է 124 ուղևոր և անձնակազմի 5 անդամ։ Տուժածներ չկան։
 

Ընկերության կայքում հաղորդվել է, որ ինքնաթիռը վայրէջք է կատարել 2 ժամ 20 րոպե ուշացումով, սակայն խոսնակն այդ տեղեկությունը չի հաստատել։

 

ԱՄՆ ավիացիայի դաշնային բյուրոն սկսել է քննել միջադեպը։