ԱԺ-ում Վահան Հովհաննիսյանին փոխարինողը հայտնի է
ՀՅԴ ԳՄ-ի երեկ կայացած նիստում որոշվել է, որ ԱԺ պատգամավոր Վահան Հովհաննիսյանին ԱԺ ՀՅԴ խմբակցությունում կփոխարինի Միքայել Մանուկյանը: Այս մասին Tert.am-ին ասաց ՀՅԴ խմբակցության քարտուղար Աղվան Վարդանյանը։
Հիշեցնենք, որ Վահան Հովհաննիսյանը ՀՀ նախագահ Սերժ Սարգսյանի հրամանագրով նշանակվել է Գերմանիայում Հայաստանի արտակարգ և լիազոր դեսպան:
Նշենք նաև, որ Միքայել Մանուկյանը ՀՅԴ համամասնական ցուցակի 9-րդ համարն էր։ Նա «Մեղեդի» սրճարանի սեփականատերն է։
Միքայել Վաղինակի Մանուկյան
Ծնվել է 1967թ. ապրիլի 10-ին Երևանում:
1986թ. ավարտել է Երևանի Թերլեմեզյանի անվան գեղարվեստի ուսումնարանի գեղարվեստական ձևավորում ֆակուլտետը: Նկարիչ:
2006 թ. Ավարտել է Պետական մանկավարժական ինստիտուտը։
1986-1988թթ. ծառայել է խորհրդային բանակում: Ղարաբաղյան ազատամարտի սկզբից մասնակցել է պատերազմական գործողություններին:
1992-2002թթ. աշխատել է «Երկիր» օրաթերթում` որպես թղթակից, 2002թ.` ՀՅԴ Գերագույն մարմնում` կուսակցական կազմակերպական աշխատանքների պատասխանատու:
Պարգևատրվել է ԼՂՀ «Շուշիի ազատագրման համար», «Մարշալ Բաղրամյան» և ԼՂՀ «Մարտական ծառայության» մեդալներով:
2002-2007թթ. և 2010-ից մինչ օրս ՀՅԴ Գերագույն մարմնի նախագահն է:
2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով ՀՅԴ կուսակցությունից::
Ամուսնացած է, ունի երեք երեխա:










