Մեկնարկել է Բեռլինի նորաձևության շաբաթը (լուսանկարներ)
Գերմանիայի մայրաքաղաքում տարվա ընթացքում 2 անգամ անցկացվում է Berlin Fashion Week-ը, որը հավաքում է ոլորտի մոտ 250 հազ. պրոֆեսիոնալների։
Այս տարի Բեռլինի նորաձևության շաբաթը մեկնարկել է հունվարի 14-ին, հայտնում է «Deutsche Welle»-ն։ Հագուստի ցուցադրություններ, դրանց ուղեկցող տոնավաճառներ և այլ միջոցառումներ ներկայացնում են 2014թ. աշուն-ձմեռ սեզոնի միտումները։
Արդեն իսկ 14-րդ անգամ անցկացվող Նորաձևության շաբաթվա շրջանակում կանցկացվեն նոր հավաքածուների 50 մեծ պոդիումային ցուցադրություններ և այլ միջոցառումներ՝ ցուցահանդեսներ, ընդունելություններ և շնորհանդեսներ։
Ավանդաբար Berlin Fashion Week-ի ընթացքում լայնորեն ներկայացվում են երիտասարդ դիզայներները՝ Գերմանիայից, մասնավորապես՝ Բեռլինից։
Նորաձևության շաբաթը կտևի մինչև հունվարի 19-ը։




















