Հունաստանի ՆԳ նախարարի գրասենյակի մոտ պայթյուն է որոտացել

11:40 • 15.01.14

Հունաստանի ներքին գործերի նախարար Յանիս Միխելակիսի գրասենյակի մոտ գիշերն ինքնաշեն պայթուցիկ սարք է գործարկվել, տեղեկացնում է РИА Новости գործակալությունը։

 

Նախարարի կուսակցական գրասենյակը գտնվում է Աթենքի կենտրոնում՝ Ամերիկայի փողոցում։ Ռումբը, որը պատրաստված է եղել գազային բալոնի հիմքի վրա, տեղադրվել է գրասենյակի մուտքի մոտ։

 

Պայթյունից հետո հրդեհ է բռնկվել։ Գրասենյակն այդ ընթացքում փակ է եղել, տուժածներ չկան։
 

Պայթյունի պատասխանատվությունը որևէ մեկը չի ստանձնել։
 

«Որոշ ուժեր ցանկանում են վախի մթնոլորտ ստեղծել։ Դա չի հաջողվի։ Ժողովրդավարությանը վախեցնել հնարավոր չէ»,-հայտարարել է նախարարը։