Հարավկորեացիները Հյուսիսային Կորեա են «ուղարկել» քարոզչական նյութերով փուչիկներ
Հարավկորեացի ակտիվիստները հունվարի 15-ին Կորեայի Ժողովրդադեմոկրատական Հանրապետության հետ սահմանին 20 փուչիկ են բաց թողել երկինք՝ հյուսիսկորեացիների համար քարոզչական նյութերով, գրում է lenta.ru-ն՝ հղում անելով Agence France-Presse-ին:
Փուչիկները որպես բեռ տարել են 1.000 դոլար՝ մեկական դոլարներով, 500 հազար թռուցիկ և DVD, որոնք դատապարտում են հյուսիսկորեական ռեժիմը, 50 փոքր ռադիոընդունիչ և «Վիքիպեդիայի» կորեական տարբերակով 1.500 կրիչ:
Ակցիայի կազմակերպիչների խոսքերով՝ կրիչները շատ հարմար է օգտագործել քարոզչական պայքարի համար, քանի որ դրանք փոքր են և հեշտ է թաքցնել, մինչդեռ պարունակում են մեծ քանակությամբ տվյալներ:
Ակցիան կայացել է՝ չնայած Փհենյանի խոստումներին՝ հարված հասցնել ակցիան կազմակերպած «մարդկային աղբին»: Թե ինչ հաջողություն է ունեցել ակցիան, դժվար է ասել. առնվազն երեք փուչիկ ավելի ուշ հայտնաբերվել է Սեուլի շրջանում. քամին հյուսիսի փոխարեն դրանք հարավ է տարել:










