Ջոնի Դեփն ու Ամբեր Հարդը գաղտնի նշանադրվել են. Daily Mail

11:17 • 18.01.14

Հոլիվուդի ամենահայտնի «ծովահեն» Ջոնի Դեփը նշանադրվել է իր ընկերուհու՝ երիտասարդ դերասանուհի Ամբեր Հարդի հետ, ում մատին շողշողացող հսկայական ադամանդը «մատնել է» զույգին։

Ինչպես նշում է Daily Mail-ը, պարզվում է, որ զույգը նշանադրվել է դեռևս նախորդ տարի՝ գաղտնիության պայմաններում։ Այդ մասին ավելի վաղ հայտնի չի դառել, քանի որ 27-ամյա Հարդը նոր է սկսել մատանին կրել։

50-ամյա Դեփն ու Հարդը սկսել են հանդիպել 2012թ., երբ դերասանը հայտարարել է իր կնոջից՝ 41-ամյա դերասանուհի և երգչուհի Վանեսա Պարադիից ամուսնալուծվելու մասին։

Զույգն ամուսնացած է եղել 14 տարի և ունի 2 երեխա, ովքեր այժմ ապրում են մոր հետ։