Գոթենբուրգի Միջազգային կինոփառատոնում կկայանա «ՌՈՄԱՆՏԻԿՆԵՐԸ» ֆիլմի համաշխարհային պրեմիերան

«Այսօր-Պլյուս» Ֆիլմարտադրության «ՌՈՄԱՆՏԻԿԱՆԵՐԸ» նոր գեղարվեստական ֆիլմի համաշախարհային պրեմիերան կկայանա հունվարի 26-ին Գոթենբուրգի միջազգային կինոփառատոնում (Շվեդիա)։

Սա երիտասարդ ռեժիսորներ Արեգ Ազատյանի ու Շողիկ Թադևոսյանի առաջին համատեղ աշխատանքն է։


Գոթենբուրգի միջազգային կինոփառատոնն անցկացվում է 37-րդ անգամ, այն համարվում է Եվրոպայի խոշորագույն կինոփառատոներից մեկը, որի շրջանակներում ցուցադրվում են աշխարհի ամենահեղինակավոր ռեժիսորների շուրջ 500 ֆիլմեր։

«ՌՈՄԱՆՏԻԿՆԵՐԸ» ֆիլմը ստեղծվել է «Այսօր-Պլյուս» ֆիլմարտադրության, Հայաստանի Ազգային կինոկենտրոնի, Գոթենբուրգի կինոհիմնադրամի, Արևելաեվրոպական կինոալիանսի, ԷԱՎԻ-ի և այլ ընկերությունների աջակցությամբ։

Գլխավոր դերերը մարմնավորել են ճանաչված դերասաններր Նարեկ Ներսիսյանն ու Նարեկ Քթոյանը, ինչպես նաև՝ Կարեն Խոսրովյանը, Դևիդ Ֆրանցրեբը, Ռոբերտ Դանելյանը, Հակոբ Մանուկյանը, Արթուր Ղալումյանը և Րաֆֆի Էլլիոթը։
Պատմությունը երիտասարդ դերասանի մասին է, ով պատրաստվում է մեկնել ԱՄՆ և իր մտերիմ ընկերների հետ հրաժեշտի խնջույք է կազմակերպում, սակայն չնախատեսված և անհեթհեթ դեպքերի շղթան բերում է ողբերգության։

Միջազգային ցուցադրություններից բացի ֆիլմն առաջիկայում կցուցադրվի նաև Երևանում՝ կինոթատրոններում։