Ճապոնիայում աշխատավարձից դժգոհ աշխատակիցը մի քանի հազար մարդու է թունավորել

00:46 • 26.01.14

Ճապոնիայի ոստիկանությունը ձերբակալել է սննդի կետում բիզնեսով զբաղվող աշխատակցին՝ սառեցված սննդամթերքի մեջ  դիտավորյալ թույն` «կարբոֆոս» լցնելու կասկածանքով:


Aqlifoods ընկերության սառեցված անորակ կիսաֆաբրիկատների շուրջ վեճն սկսվել է անցյալ տարվա դեկտեմբերին: Հաճախորդները բողոքել են մթերքից նկատվող բենզինի հոտից: Ընկերությունն ստիպված է եղել ետ ընդունել 6,3 մլն փաթեթ ապրանք:


Մթերքի փորձագիտական եզրակացությունն ապացուցել է, որ դրանում առկա են գյուղատնտեսության մեջ վնասատուների դեմ օգտագործվող թունաքիմիկատներ:


Կասկածյալն այդ ընկերությունում աշխատել է ութ տարի, և ինչպես հայտնել են գործընկերները՝ միշտ դժգոհել է իր աշխատավարձից: