Ճակատագրի հեգնանք. Marlboro-ի հանրահայտ գովազդի կովբոյը մահացել է ծխելու պատճառով
Ծխախոտի արտադրությամբ զբաղվող ամերիկյան Marlboro ընկերության ամենահայտնի գովազդային դեմքերից մեկը՝ Էրիկ Լոուսոնը, ով անցած դարի 80-ականներին կապույտ էկրանից կոչ էր անում Marlboro ծխել, մահացել է ծխելու հետ կապված հիվանդությունից։
Ինչպես նշում է Daily Mail-ը, 72-ամյա Լոուսոնը հրաժեշտ է տվել կյանքին Կալիֆոռնիայում։ Նրա կինը՝ Սյուզան Լոուսոնը, պատմել է, որ հանգուցյալը երկար ժամանակ տառապել է ծխելու պատճառով առաջացած թոքերի ու շնչուղիների հետ կապված քրոնիկ հիվանդությունից։
Ավելի վաղ, երբ տղամարդն իմացել էր իր հիվանդության մասին, նա նկարահանվել է Marlboro-ի կուլտային դարձած գովազդների հակագովազդում՝ պատմելով ծխելու բացասական ազդեցության մասին։













