Օլանդի նախկին քաղաքացիական կինը պատմել է իր ծրագրերի մասին

22:20 • 28.01.14

Ֆրանսիայի նախկին առաջին տիկին Վալերի Տրիերվեյլերը չի ցանկանում զբաղվել քաղաքական լրագրությամբ, թեև հաջողակ քաղաքական լրագրող է եղել մինչև Ֆրանսուա Օլանդի իշխանության գալը: Այս մասին հաղորդում է ИТАР-ТАСС-ը:

Այդ մասին Վալերին հայտնել է Հնդկաստանի Մումբայ քաղաքում «Սովի դեմ պայքար» հասարակական կազմակերպության կողմից անցկացվող բարեգործական միջոցառման ժամանակ:


Այդուհանդերձ՝ Տրիերվեյլերի որոշումը վերջնական չէ: Այժմ նա «Paris Match» շաբաթաթերթի գրական դիտորդն է պայմանագրային պայմանավորվածություններով և համարվում է Փարիզի ամենաբարձր վարձատրվող լրագրողներից մեկը:


Օլանդի նախկին ընկերուհին նշել է, որ բարեգործությամբ զբաղվելն իրապես իր սրտով է, իսկ նման գործունեությամբ նա սկսել է զբաղվել առաջին տիկին դառնալուց հետո: Նա տեղեկացրել է, որ հետագայում ևս կշարունակի ակտիվ գործունեություն ծավալել և հատկապես՝ աջակցություն ցուցաբերել առավել խոցելի երեխաների խմբին:


Վալերի Տրիերվեյլերն ու Ֆրանսուա Օլանդը փաստացի ամուսիններ են համարվել 2007թ.-ից: Բաժանման առիթ է հանդիսացել Օլանդի սիրային կապը դերասանուհի Ժյուլի Գայեի հետ: 


Ելիսեյան պալատում անցկացրած ժամանակահատվածի մասին խոսելիս Վալերին նշել է, որ անգնահատելի փորձ է ձեռք բերել, որը փոխել է իր կյանքը: