Թուրքիայի վարչապետը ժամանել է Իրան
Թուրքիայի վարչապետ Ռեջեփ Թայիփ Էրդողանն այցելել է Իրան, այցի նպատակը երկկողմ հարաբերությունների բարելավումն է, հայտնում է Russia Today-ը:
Մոտ եռամյա պատերազմը Սիրիայում սրել էր Սիրիայի հարցով հակադարձ դիրքորոշումներ ունեցող Անկարայի և Թեհրանի հարաբերությունները:
Էրդողանը Թեհրան է ժամանել երեքշաբթի երեկոյան, նրան ուղեկցում են արտաքին գործերի, էներգետիկայի և էկոնոմիկայի նախարարները:
Իրանի կառավարությունն այս այցն անվանել է նոր փուլ թուրք-իրանական հարաբերություններում:
Սպասվում է Էրդողանի հանդիպումն Իրանի նախագահ Հասան Ռոհանիի և գերագույն առաջնորդ այաթոլլահ Ալի Խամենեիի հետ:










