Օբաման հայտարարել է հանուն աղքատության դեմ պայքարի Կոնգրեսը շրջանցելու պատրաստակամության մասին

10:06 • 29.01.14

Եթե ԱՄՆ կոնգրեսականները հրաժարվեն կյանքի կոչել սոցիալական անհավասարության դեմ պայքարի նախագահական ծրագիրը, Բարաք Օբաման կգործի՝ առանց նրանց դիրքորոշումը հաշվի առնելու։ Այդ մասին Սպիտակ տան ղեկավարը հայտարարել է «Երկրի դրության մասին» ամենամյա զեկույցում, գրում է Взгляд-ը:

 

«Ամերիկան տեղում չի դոփում, և ես նույնպես դա չեմ անի: Այդ պատճառով միշտ և ամենուր, որտեղ ես կարող եմ առանց օրենսդրության քայլեր ձեռնարկել ամերիկացի ընտանիքների ավելի մեծ թվի համար հնարավորությունները բարելավելու համար, ես պատրաստ եմ դա անել»,- ասված է Օբամայի ելույթում, որից հատվածներ է հրապարակել Սպիտակ տունը:

 

«Փաստերն այն են, որ անգամ տնտեսության վերականգնման շրջանում չափազանց շատ ամերիկացիներ աշխատում են ավելի շատ, քան երբևէ՝ ծայրը ծայրին հասցնելու համար»,- ասված է նրա ելույթում: Իր խոսքով՝ նա պատրաստ է ներկայացնել սոցիալական անհավասարության դեմ պայքարի «կոնկրետ և գործնական» առաջարկներ: