Հալեպում հայ երիտասարդ է վիրավորվել
Սիրիայի Հալեպ քաղաքի հայաբնակ Նոր գյուղ և Ազիզիե շրջաններում երեկ ընկած ինքնաշեն հրթիռների հետևանքով վիրավորվել է 25-ամյա Անտուան Դանիելյանը։
Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, վիրավորը տեղափոխվել է հիվանդանոց։
Tert.am-ն ավելի վաղ տեղեկացրել էր, որ երեկ կեսօրից հետո և գիշերը Հալեպի հայաբնակ շրջանները դարձյալ լուրջ բախումների և հրթիռակոծությունների թիրախ էին դարձել։
Երեկոյան իրավիճակը լարվել էր հայաբնակ Նոր գյուղում։ Հարակից շրջաններում կառավարական զորքերի, զինյալ ապստամբների և ահաբեկիչների միջև բախումները շարունակվում են։
Մեր աղբյուրների հավաստմամբ՝ հրասանդի արկեր կամ ինքնաշեն հրթիռներ են ընկել նաև Հալեպի Սուրբ Երրորդություն (Զվարթնոց) հայկական եկեղեցու մերձակայքում։










