Իսրայելում թույլատրել են սեռափոխության վիրահատության ենթարկվել 18 տարեկանից
Իսրայելական իշխանությունները որոշել են քաղաքացիներին սեռափոխվելու թույլտվություն տալ 18 տարեկանից, գրում է gazeta.ru-ն՝ Haaretz-ին հղումով։
Ավելի վաղ նման վիրահատություն թույլատրվում էր 21 տարին լրացած անձանց։
Բացի այդ, այժմ թեկնածուները պետք է ապացուցեն, որ ցանկալի սեռով ապրել են առնվազն մեկ տարի. նախկինում այդ ժամկետը 2 տարի էր սահմանված։
Վիրահատությունները տեղի են ունենալու արտերկրում, քանի որ Իսրայելում այդ ոլորտում փորձի պակաս կա։
Վիրահատության նշանակման համար պատասխանատու է լինելու հատուկ հանձնաժողովը, որի կազմում լինելու է հոգեբան, հոգեբույժ, ուրոլոգ, էնդոկրինոլոգ, գինեկոլոգ, ինչպես նաև սեռական փոքրամասնության ներկայացուցիչ։
Հենց այդ հանձնաժողովն էլ վճռելու է հորմոնալ դեղամիջոցների օգտագործման անհրաժեշտության հարցը (ավելի վաղ դրանք պարտադիր էին)։
Նոր կանոնները փոփոխություն կմտցնեն դեռևս 1986թ.-ին ստորագրված որոշման մեջ։
Իսրայելում սեռափոխության վիրահատություն տեղի չի ունեցել 2012թ.-ի սեպտեմբերից ի վեր։










