Եգիպտոսը զբոսաշրջիկներից հարկեր կգանձի
Եգիպտոսը հունիսի սկզբից զբոսաշրջիկներից 7 դոլարի չափով զարգացման հարկ կգանձի, գրում է interfax.ru-ն՝ հղում անելով Daily News Egypt-ին:
Հարկը կգանձվի այն զբոսաշրջիկներից, որոնք կժամանեն Ալեքսանդրիայի, Հարավային Սինայի, Հուրգադայի, Լուքսորի և Ասուանի օդանավակայաններ:
Զբոսաշրջության նախարարի տնտեսական խորհրդականի խոսքով, որին վկայակոչում է թերթը, առաջիկա կես տարվա ընթացքում զարգացման հարկ չի գանձվի այն զբոսաշրջիկներից, որոնք Եգիպտոս կժամանեն Մարսա-Ալամի օդանավակայանից:
Ավելի վաղ դեպի Եգիպտոս զբոսաշրջային վիզայի արժեքը բարձրացել էր 10 դոլարով՝ մայիսի 1-ից դրա արժեքը 25 դոլար է:










