Թուրքիայում ածխահանքի պայթյունի զոհերի թիվը հասել է 282-ի (լուսանկարներ)
Թուրքիայի Էներգետիկայի և բնական պաշարների նախարար Թաներ Յըլդըզը տեղեկացրել է, որ ածխահանքում տեղի ունեցած ողբերգության զոհերի թիվը հասել է 282-ի։
Ինչպես տեղեկացնում է «Անադոլու» գործակալությունը, 217 հանքափորի դիերն արդեն հանձնվել են ընտանիքներին։
Հիվանդանոցներում այժմ 27 մարդ է բուժում ստանում։
Որոնողա-փրկարարական աշխատանքները շարունակվում են։
Հիշեցնենք, որ միջադեպը տեղի էր ունեցել Թուրքիայի Մանիսա նահանգի Սոմա շրջանի ածխահանքերից մեկում։ Երեկվանից Թուրքիայում եռօրյա սուգ է հայտարարվել, իսկ երեկ երկրի տարբեր քաղաքներում բողոքի ակցիաներ են տեղի ունեցել, որոնք ցրելու համար ոստիկանությունը ջրաշիթեր և արցունքաբեր գազ է կիրառել։







77
\











