Լոս Անջելեսի փողոցներ է թափվել մոտ 190 տոննա նավթ (տեսանյութ)
ԱՄՆ-ի Լոս Անջելես քաղաքի հրշեջ ծառայության փոխանցմամբ՝ նավթատար խողովակի վթարի պատճառով քաղաքի փողոցներ է թափվել մոտ 190 տոննա չմշակված նավթ, հայտնում է The Guardian-ը։

CBS News-ն իր հերթին հավելում է, որ կես մետր հաստությամբ խողովակաշարից նավթի արտահոսքը տեղի է ունեցել Լոս Անջելեսի ժամանակով կեսգիշերին։

Ոստիկանության տվյալներով՝ նավթը տարածվել է մոտ 800 մ հեռավորությամբ, իսկ որոշ հատվածներում դրա բարձրությունը կես մետր է։

Տուժածների վերաբերյալ տեղեկություններ չկան։










