Տաջիկստանի նախագահը բարձրացրել է դստեր պաշտոնը՝ նշանակելով երկրի առաջին փոխարտգործնախարար

13:40 • 15.05.14

Տաջիկստանի նախագահ Էմոմալի Ռահմոնն այսօր իր դստերը՝ Օզոդա Ռահմոնին, նշանակել է Տաջիկստանի առաջին փոխարտգործնախարար, տեղեկացնում է РИА Новости գործակալությունը։

 

«Օզոնդա Ռահմոնը մինչ այդ եղել է փոխնախարար, իսկ առաջին փոխնախարարի պաշտոնը զբաղեցրել է Մահմուդջոն Սոբիրովը, որը Թուրքմենստանում դեսպան է նշանակվել մայիսի սկզբին»,-հաղորդել են Տաջիկստանի արտգործնախարարությունից։

 

Աղբյուրի խոսքով՝ փոխարտգործնախարարի պաշտոնում նախագահի դստերը փոխարինել է Փարվիս Դոդովը, որն ավելի վաղ աշխատել է արտգործնախարարության այլ բաժնում։